SU PROCESSU 

5-PISU A TANDA 
(Critica po Abis)

Sa bram’ereditai una ricchesa
ha postu su xiorbeddu in avvolottu
de Abis, chi prexiau s’è postu a mesa
po isciri de is summas su prodottu.

Cun prexiu mannu si pigad s’impresa
de si fai su contu cuss’e tottu
ma emozionau de sa cuntentesa
su risultau ddi bessid a trottu.

Tottu sa xid’è fendi divisionis
difficilis po unu ragionieri
consultendi registrus a muntonis.

Parid s’ufficiu de un’ingegneri
e giai illusu di essi tra is ricconis
ha consumau unu chil’e paperi.

6-TANDA A PISU
(Critica po Abis)

Si crasi unu milionariu tontu
si depessid po sorti ammacchiai
e una simili summa de dinai
fessid’e si sprazzì dispostu e prontu,

Però dispostu a non di donai
po beffa po disprezzu o po affrontau
chini mancu fai nno iscì su contu
de sa summa chi dd’iad a ispettai,

Abis s’alienada o hiad a isvenni
de feli de invidia e gelosia
che vulcanu eruttendi sempri fogu.

E mentris nosu e Serra stemus beni
issu spollau, scurzu e in carestia
deppiad morri carrigh’e priogu.

1
Est partiu cunvintu, ddu sciriada
ca nci deppiad essi un'atru mundu
poita sa geografia dda connosciada
e me in navigazioni fu profundu..

Prusu che ddu pensai, issu biriada
ca navighendu sempri sempr'in tundu
nci torrada a su logu chi partiada
e ti ddu dimostrada in su segundu.

Ma po cunvinci tottu cussa genti
a pagu dd'est serbia sa gentilesa
ca serbiat una prova cunvincenti.

S'ou strantaxiu in mesu de sa mesa
esti stada una mossa intelligenti
po fai passai qualunque sia pretesa.
 

3
E issu prontu: ddi torru a ripitti
ca seu prontu sa conca a mi giogai
ca s'America c'est e po d'ammitti
ca serbidi solamenti a da xiccai!

Vossignoria podid scummitti
ca si trattad solu de dinai
e finanziendu a mei nno poid cummitti
un'errori chi dongad ita nai.

Deu mi seu cunvintu ca de terra
s'ind'agattad ancora in cantidadi
ca nno finid certu in Gibilterra!

Custa parti est scetti sa mettadi
ma sa chi est me in s'atra perra
est prusu po tanti e calidadi.
 

5
Is atrus librus, ant'essi cosa bona,
ma funti tottu cantus invenzioni.
Sa storia nosta, inveci, paragona,
est'una specie de registrazioni.

C'est unu fattu po donnia persona
senza de acciungi e senz'e sotrazioni
e appena s'ind'intendit arremona
currinti prestu a registrai s'azioni.

De custu ndi seu sempri sodisfattu
c'arregordai is fattus a memoria
nno est cumenti registrai su fattu.

Nosus contaus sa cosa sen'e boria
però chi cuncodraus in su cuntrattu
dd'accabaus nosu puru me in sa storia

2
Ma puru essendu riconnottu espertu
e siguru de onai su continenti
si bussada a dinai fud'u desertu
sparessiat de accanta onnia credenti.

De fronti a custu fattu de scuncertu
adi deppiu provai cun atra genti
e chistionai cun su coru abertu
de su progettu e de s'inconvenienti.

Faidi a su Rei de Spagna:s'intenzioni
esti de andai in America siguru,
però mi serbid una suvvenzioni.....

E su Rei, ca fudi omini duru: 
Po su dinai nno nc'est preoccupazioni,
ma d'agattas, s'America, in futuru
 

4
Ita ndi narat de cust'argumentu?
Sì,est'interessanti,nno nc'est mali,
parit giustu, s'arrexionamentu......
atru mari..atra terra...est naturali..

però, portai sa cosa a cumpimentu
nno mi parit sia facili uguali.........
Cument'est chi at tentu pensamentu
de custa cosa in sensu generali?

Poita ca tengu bona sa memoria
e su chi liggiu m'abarrat in menti
e custu d'appu liggiu me in sa storia!

-In sa storia de Roma?- Certamenti,
poita est su libru de sa gloria
pren'e cosa futura e de presenti.......
 

6
Beni - fait su Rei- appu cumprendiu
e pensu de appoggiai sa spedizioni,
m'at cunvitu su pagu chi app'intendiu
però mi serbit una relazioni.

Seu su Rei, però nno appu pretendiu
de assumi a solu deliberazioni,
ca nc'esti chini pigat su stipendiu
po mi forniri donnia spiegazioni!

Intanti portamiri su registru
cun su cont'e sa spesa e su dinai
ca ndi chistionu prestu a su Ministru.

Immoi però teng'atra cos'e fai,
adiosu Columbu, bai allistru
ca s'ind'eus a torrai a chistionai!

STORIA NOSTA 

1 Ma cussa, amigu, cussa fudi genti 
chi prim'e fai sa cosa, nci pensada! 
Si su logu nno fessit eccellenti 
nno dd'iant'essi sicuru fabbricada!

Ca in cussu tempus nno ddoi fut nienti 
e nno fudi nemmancu cummenzada:
qualsiasi logu fut indifferenti, 
ca dda podiant fai in qualunque strada! 

Dd'iant'essi pozzia fai puru in Milanu 
o in atru logu de sa Lombardia 
opuru prus acanta o prus lontanu. 

Ma inveci Roma dd'anti costruia 
accanta de su mari e de su pranu 
ca su prus bellu logu fut innia. 

2 Innia ddoi fudi tottu: sa pianura,
is montis, sa campagna, acua e binu...
Tottu! Olliast'andai in villeggiatura?
Eccu Albano, Tivoli, Marinu...

Ollis su mari? Forasa de mura
unu sartidu e ses a Fiumicinu.
Ti praxid'e sfoggiai s'architettura?
Eccu sa puzzolana e travertinu! 

S'arriu po sa lissia e fai su ponti,
s'acua bona po fai sa funtana,
Ripetta e Trastevere e poi Monti...

Tottu localidadis destinadas
a diventai, de s'epoca lontana,
tottu cussu chi funti diventadas!

CONTUS DE BIDDA MIA (versi)

1
Candu pensu a sa storia de Sardigna
mi benit su xiorbeddu in tribullia
ca de si nai libera nnu è digna,
ma srebidora che sa bidda mia, 
c'a tentu sempri grandu disprexeri
po ai biviu sempri asutt'e meri.

2
Cun su fisicu basciu ereditau
pareus sa copia de unu Portoghesu,
e nd'eu pigau de su Cartaginesu
su modu ddi essi sempr'arrennegau.
De Bisanziu eus tentu s'istruzioni
de ponni donnia cosa in discussioni.

3
De s'Arabu teneus su cabori
s'ogu nieddu e biu, sa calidadi
de acculli s'ospiti cun su bonu cori
ca seus campionis de ospitalidadi.
E su linguaggiu est totu un'ammesturu
de Catalanu cun Latinu puru.

4
Sia su Pisanu che su Genovesu
anti fatu cument'a su Romanu
e s'Austriacu e su Piemontesu:
chi nci fu de furai, ponianta manu.
Po fortuna de cussa cambarada
nnu est'abarrada bona nomenada.

5
Cun sa Spagna però sa situazioni
esti stada diversa e depu scriri
ca po duxentus annus sa regioni
ha tentu tempus de si civiliri,
tant'est beru ca s'Universidadi
bessid a pillu propriu in cuss'edadi.

6
Ma bireus in ordini de fai
sa storia de unu populu ch'est avesu
a si depi de sempri assugettai
a chini totu nd'est beniu de tesu.
E app'a parri maccu candu nau
ca oi puru est'assugettau

CONTUS DE BIDDA MIA (prosa)

Cun is sus 24.090 chilometrus quadraus, e is 1880
chilometrus de costas, sa Sardigna esti sa segunda
isula de su Mediterraniu, dopu sa Sicilia.
E' posta casi a su centru de sa parti a occidenti de su Mediterraniu, circundada de is maris Tirrenu e de Sardigna.
De forma rettangulari, è simili a s'impronta de unu pei, o de una crazolla (sàndalo) i è po custa forma ch'in s'antighidadi iada pigau su nomini de Ichnusa o Sandaliothis.
Sa Sardigna est'una terra med'antiga, sa prus antiga tra tottu is regionis de s'Italia: infatti i geologus anti
individuau in si montis de su cresienti, arrocas
chi teninti prus de 570 milioni di annus. 
Custa longa storia geologica, is cambiamentus de sa 
natura e is interventus de s'umanidadi, anti onau a su
paesaggiu de s'isula in'impronta particolari.

Adi scrittu su geografu Felici de Gregoriu:
"Chini stimada sa natura, innoi s'agattada de frontia unu libru abettu chi esti unu beru campionariu de is paesaggius e de is ambientis mediterranius.
Unu libru chi esti un invitu a s'osservazioni,
a s'esplorazioni e a sa conoscenza de unu mundu ancora aspru e selvaggiu, eppuru attraenti e affascinanti.
Totus, in s'isula, podinti coltivai medas interessus,
siad'in su campu de sa geologia, de sa paleontologia,
de sa mineralogia, de sa botanica, de sa zoologia, de
s'archeologia, de is usus e de is costumus, che de su
modu de bivi e de fai de sa genti. Ad'a podi esservai
paesaggius rarus, scoberri spiaggias accuadas, logussolitarius, visitai sutterraniusu e lagus prenus de straordinarius pillonis acquaticus, stupiri de fronti a froris e froridas a perdida de ogu, o a celus crarus e luminosus, aundi su tempus s'è firmau e scoberri sempri signalis nous de antiga civiltadi."

E MELLUS FORTUNA IAD'ESSI SI IN ITALIA
NCI FESSINT PRUS TOSCANUS E PRUS PAGUS ITALIANUS.

Si est cosa difficili essi italianu, difficilissima cosa est su essi toscanu: meda prus che abruzzesu, lombardu, romanu, piemontesu, napulitanu, o francesu, tedescu, spagnolu o inglesu.
E nno puita nosus toscanus seus mellus o peus de is atrus, italianus o strangius, ma puita, grazias a Deus, seus diversus de donnia atra nazioni: po cancuna cosa chi est in nosus, in sa natura profunda, cancuna cosa de diversu de su chi is atrus tenint'aintru.
O forzis puita, candu si trattat ddi essi mellus o peus de is atrus, si bastat de nno essi cument'e is atrus, puru sciendu cantu custu siat cosa facili, senz'e gloria, essi mellus o peus de un'atru.

Forzis puita non s'intendint cumpangius a nosu,
(cumpangiu, in toscanu, bolit nai uguali). O forzis puita, aundi e candu is atrus prangint, nosus arrieus, e aundi is atrus arrint, nosu ddus castiaus senz'e arriri, senza chi movat ogu, cittius: e s'arrisu ddis morit in facci. De fronti a unu toscanu, s'agàttanta tottus a disagiu.

SA MUNDANA COMMEDIA

1
Di Dante, poeta e genio di Toscana 
la Divina Commedia noi leggiamo 
e perché ora noi sardi non facciamo 
una sincera Commedia Mondana? 
Per dare lustro alla gente isolana 
quelli che estro poetico abbiamo 
perché non basta la Divina sola 
alla Sardegna nostra a fare scuola. 

2 
Dante di mente illustre ed assai degna 
tra i poeti detien la prima sedia 
in versi ha descritto una commedia 
contro la setta perfida ed indegna. 
E allora, cantautori di Sardegna 
noi stiamo qui, a morire d'inedia? 
No fratelli, entriamo tutt'in giostra 
e facciam pure la Commedia nostra. 

3 
E' vero che fu Dante, l'Alighieri, 
di sentimenti fieri e assai gagliardi 
e che noi siam, quali figli bastardi,
contro di lui e contro i suoi pareri. 
Ma ci vogliono cento forestieri 
dice il proverbio, per far dieci sardi! 
Tutto ciò ne spavento né paura 
provoca in chi ha i doni di natura. 

6 
Il tema che ho scelto in conseguenza
da svolgere con molta serietà 
è l'andamento dell'umanità 
da quando nella terra c'è esistenza
origine, fondamento e dipendenza 
della ricchezza e della povertà.
Per coloro che ancor non han compreso
povero e ricco da cos'è dipeso. 

7 
I ministri del religioso regno 
a credere al popolo hanno dato 
che chi in questo mondo è sfortunato 
è perché Dio non lo ritenne degno. 
Io non credo sia giusto questo segno 
ne credo Dio si sia mai interessato 
di dare all'uno il male e all'altro il bene 
come il bigotto da sempre sostiene.

8
Dio, s'è stato sapiente ed un buon mastro 
essendo un padre giusto ed imparziale 
ha dato a tutti il diritto eguale 
senza fare un figlio ed un figliastro.
Non è per nascer bene od in mal'astro 
se stiamo bene oppure stiamo male.
Dipende tutto dall'altra faccenda 
di non avere in comune l'azienda.

SA SIMCA 1000

Annus faid, is francesus si fiant postus in conca de arrennesci a fabbricai s’automobili prus bella de su mundu.
C’iant pensau po tempus meda, po annus, fuiendu dexinas de progettus. E a sa fini anti cumenzau a fabbricai sa SIMCA 1000. Fiad aici leggia ch’is operaius de sa cadena de montaggiu andant a traballai cun is occhialis scurus, barbas e baffus fintus, parruccas, po nno si fai riconnosci. Medas vomitanta, is prus ianta domandau su trasferimentu in altrus stabilimentus, altrus su turnu de notti. Giai de candu fiant bessidas is primus vetturas is collaudadoris iant pretendiu - e ottentu- de ddas podi collaudai in pistas foras de logu aundi podiant essi bistus de sa genti, po timoria de perdi sa facci e sa dignidadi, e appena bista, sa SIMCA 1000 fiat diventada sa barzelletta de su mundu a 4 arrodas. Po finas s’ingigneri chi dd’iat progettada, sa primu borta, fiat intrau de su sportellu de agoa ca nno iat cumprendiu cali fiat sa parti de ananti. Su stili fiat cussu de sa Trabant e s’immagini rappresentat su disgustu de bivi in custu mundu.
Sa rivista americana Car Today iad scrittu ca issa pariat una scatula de tonnu scadiu, ma is francesus de sa
Simca dd’iant scambiaiu po cumplimentu. Parit chi d’essinti fatta de dus coloris: asulu e asulu. Però siguramenti, dopu duas xidas cumenzada a si stingi, e medas giuranta de nd’essi biu in giru de colori craru, grigiu o biancu bruttu. De is bortas su cambiu de colori fiat aici veloci chi unu andat a comporai su giornali candu torrada nno dda connosciat prusu e andada in Questura a denunziai su furtu: aundi su Cummissariu de turnu, giustamenti, d’arrestat immediatamenti, in cantu nno podiat essi chi calincunu ndi podessit furai cussa speci’e cosa.
Fiat prus facili chi unu marzianu atterresit in s’Amsicora che unu maccu ndi furessit cussa bruttura.

Cument’e tottus in fenomenus stranus sa SIMCA 1000 iat fattu nasci una surr’e storias. Naranta chi portessidi
scarogna, ma custu nno esti stau provau. (Ma deu nci creu, po unu fattu capitau a un’amigu miu, scedau, chi
contu fra pagu). Nno s’est mai agattau, po cantu xiccas anti fattu, unu chi nd’appada comporau una, e nemancu
canc’unu chi nd’essit connotu. Si biriant is vetturas, ma is chi dd’as guidanta naranta sempri ca su meri fiat unu
amigu, o sa zia, unu fradili...e candu domandasta de custa genti, diventant evasivus, cambianta chistioni,
s’ind’andanta, lassanta perdi....
Fattu fattu si spraxiat sa boxi chi a comporai is SIMCA 1000 fessint paras e mongias, cancunu predi de is biddas, ma de siguru fiant boxis, nudda de zertu.
Una borta iant fattu su nomini de unu rappresentanti de pasta, amigu miu, boxi posta in giru certamenti de sa
cuncurrenzia, datu chi bendiat meda, e narat sa boxi ca addirittura nd’iat comporau duas. Nno est serbiu a 
nudda sa smentira fatta ( a pagamentu) in s’Unioni Sarda, est deppiu andai a ddu nai in Videolina, ma est
stettiu tottu inutili, nci at perdiu is clientis, dd’est toccau a cambiai mestieri, e, a sa fini, at deppiu abbandonai Casteddu po sa bregungia, est emigrau, nno nd’eus scippiu prus nudda.
Oi, de SIMCA 1000 in giru nno s’in-di biri prusu; forzis po custu motivu su Sindigu de Nuradda, consillau de Lello, nd’at fattu comporai una in su ferru becciu, dd’at fatta pintai in asulu ( mancai oi si biat grogasta) at fattu una bella basi in mesu de sa prazza de sa bidda e nci dd’at posta innias.
Su disgustu de is paesanus est ricumpensau de su turismu chi portada: c’est genti chi arribat a Nuradda de tottu su mundu po dda fotografai, specialmenti giapponesus. Incoraggiau de s’esperimentu, su sindigu at fattu approvai de su cunsillu comunali unu progettu de unu museu de is orroris a 4 arrorase at giai comporau un’Amy 8 e una Duna...........