|
‘A retirata (1887) Versi di S. Di Giacomo — Musica di P.M. Costa Gioia bella. pe’te vedé c'aggio fatto nun può sapé! Si putesse parlà stu core, quanta cose vulesse di’; ma, chiagnenno pe’ lu dulore, io m’ ‘o scippo, pe’ n’ ‘o sentì! Napule e nenne belle, addio v’avimm’ ‘a di’... Sentite ‘a retirata? Ce n ‘ avimmo da trasi! Dice ‘a gente parlanno ‘e me, ca si parto mme scordo ‘e te! A ‘sta gente stu core mio, pe’ risposta tu fa’ vede’, e dincello ca, si part’io, tiene mmano nu pigno ‘e me. Napule e nenne belle, addio v’ avimm’ ‘a di’... Sentite ‘a retirata? Ce n ‘ avimmo da trasì! Gioia bella, te l’aggi’ ‘a di’ ca dimane s’ha dda partì! Statte bona, può sta sicura c’ ‘a medaglia voglio turnà! A stu core tiénece cura, si nun torno nun ‘o jettà! Napule e nenne belle, addio v’avimm’ ‘a di’... Sentite ‘a retirata? Ce n avimmo da trasì! |
| Di Giacomo |