|
|
|
Pubblicata il: luglio 30, 2013 |
Da: Redazione
Categoria: Poesia dialettale sud Italia e isole | Totali visite: 7722 | Valorazione
|
|
|
| |
 Redazione
Sono Manuel figlio di Felice, contento di portar avanti il lavoro di mio padre.
|
|
|
|
Salvatore Di Giacomo
‘E ttrezze ‘e Carulina
(1895)
Versi di S. Di Giacomo — Musica di S. Gambardella
Oj pètteno, che piéttene
‘e ttrezze ‘e Carulina,
damme nu sfizio, scippala,
scippala na matina.
E tu, specchio — addò lùceno
chill’uocchie, addò, cantanno,
ride e se mmira, — appànnete
quanno se sta mmiranno!
Lenzole, addò se stènneno
e ccarne soie gentile,
nfucàteve, pugnitela,
tutto stu mese ‘Abbrile!
E vuie, teste d’anèpeta,
d’aruta e resedà,
seccàte ncopp’ a ll’àsteco
faciteve truvà...
Mo ‘o petteno, che pettena
‘e ttrezze ‘e Carulina,
è sempre ‘o stesso petteno
‘e tartaruga fina;
O specchio è de Venezia
e nun ha fatto mossa;
e lienzulelle smoveno
n’addore ‘e spicaddossa...
E manco nun me senteno
l1’aruta e ‘a resedà:
cchiù ampresso, ‘ncopp’a ll’asteco,
Abbrile ‘e ff a schiuppà!
E sti scungiure — è inutile —
nn’ a ponno cchiù arrivà:
cchiù nfama e cchiù simpatica,
cchiù bella assaje se fa! |
|
 Commenti degli utenti |
|
|
|
Una pubblicazione proposta fra le tante presenti nel sito |
|
Alla fine delle mie parole
è nato il silenzio
è nato l'eterno
non voglio più dire
il silenzio è l'eterno
osservo senza stupore le cose che mi circondano |
|
|
|
Statistiche generali |
| » Pubblicazioni |
6755
|
| » Autori registrati |
3346
|
| » Totali visite |
15091121
|
| » Categorie |
35
|
|
