|
|
|
Pubblicata il: gennaio 11, 2016 |
Da: francogobbo13
Categoria: Poesia dialettale Italia del nord | Totali visite: 2829 | Valorazione: 
|
|
|
SEMO IN PENSION
On dì te tocarà ‘ndare in pension
anca se lavorare oncora te si bon
i te darà na bea medaia de oro
pa ver liberà on posto de lavoro.
Te pararà de essare come Micheasso,
magnare, bevare e ‘ndare a spasso,
par chi no xe abituà, no xe normae,
dopo on toco te tachi romparte e bae.
Te ve a catare i pensionati to amighi,
ma te toca scansarte parchè te ghe intrighi,
i xe tuti indafarai a far dei lavori,
te i vedi laorar e sugarse i suori.
Te ve in piassa pa farte do passi
no ghe xe i veci ma soeo ragassi,
là co e man in man, sensa far gnente,
a disposission de qualche deinquente,
che li compra co tante promesse,
che de lavorar no ghe xe interesse,
te senti dire che xe colpa dei pensionati
che ghe frega el posto a sti pori tosati.
In ostaria te cati quei che xoga e carte
che i parla de poitica sensa arte ne parte,
dopo tuti in allegria c’on fiasco de vin,
soeo co te ghe pagà i tira fora el tacuin.
Te compagni to mojer a fare a spesa,
al supermercato xe proprio na impresa,
no te si abituà e te toca guidare el careo,
te si on poco imbranà e te assi chel guide eo,
te segui to mojer come on bon mario,
ma co te vedi el conto te voi tornare indrio,
a toe on saco de roba e tuto ghe va ben
a se ferma soeo quando el careo xe pien.
Te riva on saco de boete e cartee dee tasse:
a corente, el teefono el gas e anca e scoasse,
ghe ne riva una che me assa tuti romasi,
ma come sempre, te a paghi e te TASI.
Parchè te toca fare a denuncia dei rediti
se eori sa queo che te ghè e anca i debiti?
‘Ndare vanti cossì, no te rivi a fine mese
e anca in banca te catarè dee bee sorprese,
te toca tore dei seri provedimenti
par quando te gavarè da pareciarte i denti.
bisogna che te te cati naltro lavoro,
che te ghe dai indrio a medaia de oro,
e sti tosati che ga cossì tanto da brontoeare,
che i prove eori ‘ndare in pension e farsea bastare. |
|
 Commenti degli utenti |
|
|
|
Una pubblicazione proposta fra le tante presenti nel sito |
Poemi italici. Canto III - II. E si scopriva, il mondo, a lei! Ma quanto
ella vedeva, ella voleva, piena
di meraviglia, e lo chiedea col canto. |
|
|
|
Statistiche generali |
| » Pubblicazioni |
6785
|
| » Autori registrati |
8610
|
| » Totali visite |
19310500
|
| » Categorie |
35
|
|
