|
|
|
Pubblicata il: gennaio 11, 2016 |
Da: francogobbo13
Categoria: Poesia dialettale italiana | Totali visite: 2781 | Valorazione
|
|
|
Sensa pensieri
Quando Marin co a bici ‘ndava a strasse e ossi
e se sentiva e rane cantare xo pai fossi
a vita jera pi semplice, sensa tanti pensieri:
i tosati xogava e chealtri fea i mestieri,
e anca no ghe jera tanti griji pa’ a testa,
e a domenega tuti quanti poea far festa.
El prete me spetava tuti quanti in cesa
e no se ‘ndea pai negossi a fare a spesa,
e botteghe dapartuto e jera sarae,
jera verte soeo e ostarie e i xoghi de bae.
Xe vero che na volta a vita jera pi dura
ma se a ciapava cossì sensa tanta paura:
sapar soturco e catar panoce col saco
e po’ farse e ciche coi scartossi e tabaco;
tajare a spagna a matina pena tacava far ciaro
e verso sera co’ forca e restèo farla sù a maro;
bàtare a falsa sentai par tera soto na piantarèa
e so a sporta de paja el fiasco de moro co’ a formajea;
soto el soe tajare e batar formento
no jera proprio on divertimento
vendemare ua, col sesto là davissin
e pestarla coi piè, pa fare on giosso de vin
far basso riva par metare sol fogo qualche sbrega,
tajare e rame co a corteassa ma el tronco co manara e sega;
cavar fosso col vangheto e butar su tarasso
e ogni tanto coi piè fracarlo sempre pi basso.
netàre a staea, e fareghe leto ae vache
co a paia e cane, parchè no e se mache
Na sodisfassion dopo ver lavorà e fato ben a staea:
de partir sincero in ostaria e tornar casa in baea. |
|
 Commenti degli utenti |
|
|
|
Una pubblicazione proposta fra le tante presenti nel sito |
Antologia poetica. Versione nello schema metrico originale |
|
|
|
Statistiche generali |
| » Pubblicazioni |
6785
|
| » Autori registrati |
8642
|
| » Totali visite |
19346914
|
| » Categorie |
35
|
|
